Движењето Silence Breakers кое ја покрена приказната за превенција од сексуално насилство и откривање на сексуалните злоставувачи е личност на годината во годишниот избор на американското списание Time. Сите оние кои прозбореа за своите искустсва со сексуално насилство и вознемирување и ги посочија своите злоставувачи заслужуваат место на насловната страница на списанието. Тие се дел од поширокото движење #MeToo, во кое се вклучија милиони жени, па и мажи ширум светот. Во приказната влегоа и голем број на холивудски актерки кои јавно го посочија холивудскиот моќник, продуцентот Харви Вајнстајн, за слоставувач и силувач, во што најгласна беше Роуз Мекгован. Изненадува што токму Мекгован не е насловната. Јавноста реагираше зошто пејачката Тејлор Свифт е ставена во најкусиот избор за на првата страница, бидејќи има други жени што повеќе го заслужуваат нејзиното место во однос на оваа проблематика.
Актерката Ешли Џад, музичката ѕвезда Тејлор Свифт, корпоративната лобистка Адама Иву, земјоделската работничка Изабел Паскал и поранешната инженерка на Uber, Сузан Фаулер, на насловната на Time
Но доколку ја загледате фотографијата од насловната, во десниот долен агол ќе забележите нечија рака исечена кај рамото. Има голема симболика во оваа рака кропната од фотографијата – според Time таа ѝ припаѓа на анонимна болничарка од Тексас, жртва на сексуално вознемирување која се плаши дека откривањето на нејзиниот идентитет негативно ќе влијае на нејзиното семејство. Таа рака е на анонимна секретарка која не може да открие дека колегата ја силувал. Таа рака симбилично ги претставува сите оние кои од разни причини не можат јавно да прозборат и сè уште не можат да откријат својот идентитет.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари