Луксузната париска модна куќа „Луј Витон“ претставајќи ја новата машка колекција за есен-зима 2017/18 во рамките на актуелната Париска модна недела ја откри и соработката со стритстајл/скејтерскиот бренд Supreme презентирајќи креации во кои се инкорпорираат логоата и заштитните знаци на двата бренда. Ким Џонс, креативниот директор на машкиот оддел на „Луј Витон“ за оваа колекција инспирација најде во уличната мода на Њујојрк и вели „Невозможно е да се зборува за њујоршката улична мода, а да не се спомене Supreme, бидејќи прерасна во масивен глобален феномен“.
Колекцијата ги улови влијанијата од њујоршките артисти и музичари, пријатели и херои, стилот од 70-тите, Енди Ворхол, Баскијат и Роберт Мејплторп, хип-хоп естетиката измешана со луксуз… Содржи широко кроени палта, кошули во пижама-стил со графики инспирирани од Њујорк, панталони со релаксиран крој и кежуал плетива, како и капсулната колекција од облека, накит, чанти и други додатоци од соработката со Supreme, спојувајќи ја така високата мода со скејтерскиот стил.
Дејвид Бекам, Кејт Мос и Ксавиер Долан во прв ред на ревијата
Нема коментари