Викендов се отвори новата парфимерија од ланецот на Anabella, сместена во самиот центар на Скопје како дел од хотелот „Мериот“, во која на едно место ќе се најдете серија на веќе познати луксузни брендови присутни на нашиот пазар, ексклузивно парфемите на Том Форд, но и една новина кај нас – голем избор на niche парфеми.
Во Anabella Marriott во луксузен ентериер сместени се полици со парфеми на Burberry, Gucci, Versace, Valentino, Dolce&Gabanna, со препаративната и декоративната козметика на Clinique, Esteè Lauder, Shiseido и Clarins, а ги има и брендовите Bocassy и Glam Glow. Во парфимеријата се наоѓа и ексклузивното катче со Tom Ford Beauty, засега пополнето со парфемите на славниот американски дизајнер Том Форд, се надеваме наскоро ќе ја има и линијата на шминка и популарните кармини со негов потпис.
Посебна магија има во делот на niche парфеми, за нас еден нов мистичен свет на луксузни мириси, некои од нив рачно изработени, некои со невообичаени состојки, парфеми кои се одраз и експресија на индивидуалноста. Ова е сосема нова тенденција за нашата публика и уживање во мириси кои се надвор од меинстрим сцената. Во Anabella ги има брендовите Amouage, Montale, Bond NO.9, Juliette Has A Gun, Escentric Molecules, Houbigant…
На отворањето на новата парфимерија на Anabella се обрати и менаџерот на продавницата Мики Недиќ кој истакна дека дел од плановите е покрај сегашните да се донесат уште нови, луксузни брендови на македонскиот пазар.
Нема коментари