Српскиот дизајнер Марко Митановски кој неколку години гради светска кариера и чии креации носат Лејди Гага и Бијонсе, викендов се претстави на првото издание на Mercedes-Benz Fashion Week Ljubljana. Неговиот настап на модната недела беше во форма на мултимедијална инсталација поставена во Галусовата дворана на Цанкајрев дом во Љубљана. Манекенките облечени во креациите на Митановски прошетаа низ салата низ повеќе големи црни топки, а некои беа качена на висечки платформи. Колекцијата на Митановски за пролет 2016 премиерно беше претставена на Лондонската модна недела во семптември годинава, а една недела пред Љубљана, креациите ги виде и белградската публика. На претставувањето на Љубљанската модна недела манекенките имаа ист стајлинг и шминка како и на претходните ревии, но овојпат надополнето со извонредна сценографија, светло и видео кои ја воодушевија пуликата.
Инсталацијата ја подготви програмскиот и креативен директор на Mercedes-Benz Fashion Week Ljubljana, Саша Радовиќ, кој според Митановски успеал комплетно да го долови неговиот авторски сензибилитет. Креациите на Марко за пролет 2016 се инспирирани од скелети на примати, митски суштетства и природни елементи како минерали, корали и текстура на земја. Креаторот од 2009 година е активен на интернационалната сцена и повремено се претставува на Лондонската модна недела. Негови модели носат Лејди Гага, Бијонсе, Палома Фејт, Скин од „Сканк Ананси“, Кети Мелуа, а тој исто така креираше костими за музичка турнеја на Северина. Во новите креации би сакал ја види пејачката Бјорк.
Нема коментари