Ако сакате маички со слоган и во исто време поигрување со модата маичките на египетската дизајнерка Дана Фрид за која пишуваше и американски Vogue многу ќе ви се допаднат. После брендовите Boolenciaga и Bacon Lettuce Tomato Club, сега има нова девојка која прави пародија на луксузните брендови. Таа пласира безобразни маички везени со цветови и со натписи како Die for Dior, Kill Gucci, Not Chanel, Rest in Prada, Keep the Snakes Away Unless They Gucci… Своите дизајни ги објавила на Инстаграм и за само два месеци по започнувањето на својот бренд таа има скоро 30.000 следбеници и голем број продадени производи. Засега Инстаграм е единствената платформа за промоција и продажба што ја користи.
Дана доаѓа од Источен Каиро, студира политички науки и планира после дипломирањето да замине во Париз каде сака да продолжи да го развива својот бренд. Како некој што доаѓа од Блискиот Исток, и од општество што креативно ја ограничува, Дана открила нов свет кога на 17 години наишла на модни содржини на Tumblr . Како што Фрид објаснува во разговор со Vogue, нејзината инспирација најмногу произлегува токму од неповолната социјална состојба што владее со Египет и како таа се рефлектира во модата преку облеката што младите можат (или не можат) да си ја дозволат. Оттаму опседнатоста на Дана со луксузни симболи, и тие се основа на нејзината пародија на сметка на луксузните брендови, но и на сметка на општеството што слепо ги обожава.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари