Мет Дејмон се враќа во неговата најпозната улога на „Џејсон Борн“. Пол Гринграс, режисерот на „Борновата надмоќност“ и „Борнов ултиматум“, повторно ќе му се придружи на Дејмон и ќе го режира продолжението на Борновата франшиза.
Некогашниот најсмртоносен оперативец на ЦИА ќе излезе од сенка. Кога тој ќе се сети кој е навистина, ќе се обиде да ги открие тајните за неговото минато. Во ова продолжение на франшизата, на Мет Дејмон ќе му се придружат Алиша Викандер, Винсент Каси и Томи Ли Џонс, додека Џулија Стајлс ќе ја репризира својата улога во овој популарен серијал.
Дејмон во филмот кажува само 25 реченици, а за една реченица заработува 1 милион долари. Бидејќи дел од приказната се одвива во Атина, Грција, продуцентите барале дозвола од грчката влада за да го снимаат филмот на конкретната локација. Поради високите даноци и бирократијата ова никогаш не се случило. Тенерифе, на Канарските Острови, е двојник на Атина во филмот.
Градските власти и продуцентите постигнале договор да се снима само во Лас Вегас бркотницата со автомобили од полноќ до изгрејсонце. За ова биле потребни 5 недели и биле уништени 170 автомобили. По повод премиерата на овој филм ќе имаме Men’s night во 20:20 часот.
Нема коментари