Вчера присуствувавме на интересна и интерактивна промоција преку која влеговме во мирисниот свет париската парфумерска компанија The Different Company и ги осетвиме мирисните состојни на нивниот нов парфем Majaïna Sin, дел од престижната колекција Esprit Cologne. Во приказната не прошета Лук Габриел, сопственик и CEO на The Different Company и нè запозна со историјата на брендот и при својата презентација направи вовед во процесот на изработка на парфемите.
Тој посочи дека името на оваа компанија не е случајно. The Different Company целосно внимание на изборот на суровините, квалитетот на парфемот и финалниот производ вклучувајќи ја изработката, дизајнот на шишето и пакувањето до најмал детал. Изјави дека разликата е во самите парфеми, во изборот на состојките, развојот на мирисот и чувството кое го предизвикува секој мирис. Елеганцијата во потписот, односно елеганцијата во мирисот е она кон тоа што оваа компанија цели.
Секој парфем од овој бренд буди различни чувства, бидејќи пред сè, најважно е чувството, а потоа изгледот. Моќта на парфемите од The Different Company е во чувството на елеганција кои тие го предизвикуваат.
На настанот бевме поканети да се запознаеме со компанијата, парфемите и имавме можност да разговараме со сопственикот Габриел, кој преку нашите мирисни сетила и преку пробување на некои од состојките, како една поинаква ванила, ѓумбир од свеж корен и течен цимет, стигнавме до конечната верзија на Majaïna Sin, новиот пафем на компанијата, дело на креаторката Емили Коперман и инспириран од нејзината посета на Мадагаскар.
За Majaïna Sin:
Уште еден доказ дека креаторите на парфем кои се дел од оваа компанија, посветуваат посебно внимание кога станува збор за изборот на суровини кои ги користат во процесот на креирање парфем.
Емили Коперман креаторката на овој парфем поминала три недели во Мадагаскар каде што ја открила состојката која ја прозведуваат локалните фармери.
Кафеното злато од Мадагаскар или екстракт од бурбон ванила која дава раскошна и несекојдневна свежина. Покрај ванилата присутни се и други ароматични плодови. Интензивниот 100% цимет добиен од кората на самото дрво кој и дава неверојатна живост на целата композиција и ѓумбирот со висок квалитет, со чист и јак мирис и нагласени цитрусни ноти.
Majaïna Sin е повеќе од парфем. Majaïna Sin ве носи на патување низ Мадагаскар и предизвикува пријатни чувства.
Парфемите на The Different Company може да најдат во Anabella парфимерии.
За компанијата:
The Different Compаny е родена во 2000 година со цел на љубителите на парфеми да им приреди едно поинакво задоволство, вклучувајќи истражување на нови територии, барајќи извонредност во суровините, работејќи со талентирани креатори на парфеми, оставајќи печат на луксузен дизајн.
Нема коментари