Дваесетина дена пред големата церемонија, деновиве во хотелот „Беверли Хилтон“ во Лос Анџелес се одржа ручекот на кандидатите за „Оскар“. Најголемо внимание со своите модни комбинации привлекоа актерките номинирани за „Оскар“. Сите погледи беа насочени кон Џулиен Мур, Рис Витерспун, Фелисити Џонс, Ема Стоун, Марион Котијар, Патриша Аркет и Розамунд Пајк. Тие се појавија во шик и модерни коктел фустани, туники и елегантникреации. На оуштената непосредна атмосфера повечен момент ѝ дадоа машките кандидати за „Оскар“: Мајкл Китон, Стив Карел и Еди Редмејн, како и домаќинот на претстојната церемонија Нил Патрик Харис.
Во куси бели фустани се појавија Рис Витерспун, Патриша Аркет и Розамунд Пајк. Французинката Марион Котијар се одлучила за фустан во стилот на 60-тите, во зелена, сребрена и темносина боја, а Британката Фелисити Џонс направила комбинација од кожен фустан со ракави од мониста, во слични тонови. Најдобро облечената актерка за оваа сезона на награди, Ема Стоун, носеше црно-бела модерна комбинација на блуза со пруги и широко здолниште со точки. Џулиен Мур, која е најсилна кандидатка за „Оскар“ во женска категорија, се појави во црвен фустан со пеплум. Оскаровската вечер ќе се одржи на 22 февруари .
Розамунд Пајк, Рис Витерспун и Патриша Аркет во бели креации
Модерни комбинации со ретро шмек на Фелисити Џонс, Ема Стоун и Марион Котијар
Џулиен Мур во црвено
Опра Винфри
Еди Редмејн, Џ. К. Симонс и Стив Карел
Мајкл Китон и Нил Патрик Харис
Нема коментари