„Една од најголемите позитиви во изминатите неколку месеци е што модната индустрија, конечно, го прифати концептот кој го дефинира целиот мој работен век – разновидност. Кога кажувам разновидност, сакам да бидам јасен дека за мене тоа никогаш не е црно-бело. Станува збор за разновидност во секој поглед – дали тоа е раса, големина, социо-економска позадина, религија, сексуалност. Тоа е она што сакам да го прославам со оваа насловна страница…“ пишува Едвард Енинфул, главниот уредник на британското издание на Vogue, за мајската прва страница на модниот магазин. А на насловната девет манекенки пионери, trailblazers, модели кои го менуваат лицето на модата и кои го проодеа патот за следните модни приказни кои ќе ја слават разновидноста.
Според Едвард направен е избор на суперѕвезди за кои се зборува во модниот свет, кои ја претставуваат различноста по големина, боја на кожа, потекло. „Приказната од насловната се надевам дека дефинира сé она ние го застапуваме како списание во 2018 година“, вели уредникот. За насловната тој ги избра хрватската манекенка Фарета Радиќ, Халима Аден и Адут Акеч, родени во истиот бегалски камп во Кенија, Индијката Радика Наир, потоа Јун Јанг Бе, Фран Самерс, Виториа Черети, Палома Елсезер и Селена Форест. Фотографијата е на Крег Мекдин.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари