Креации на Чарлс Џејмс од 1948 година, фотографирани од Сесил Битон
Минатата година познатиот холивудски продуцент Харви Вајнстај и неговата сопруга Џорџина Чепмен, дизајнерка и коосновачка на модната куќа „Маркеза“, го купија модниот бренд на Чарлс Џејмс, единствениот американски кутуриер кој твореше во средината на минатиот век. Чепмен ќе фунционира како креативен директор, но сопствениците на брендот Чарлс Џејмс одлучија да го ангажираат и дизајнерот Зак Посен како консултант со задача да ја возобнови модната куќа. Посен е познат по креирањето балски фустани кои го евоцираат Холивуд од златното доба, па има смисла токму тој да го врати гламурот на Чарлс Џејмс. Иако нема официјална потврда за оваа информација, модните инсајдери сметаат дека е точна.
Зак Посен со Наоми Кембел минатиот месец на ревија во Њујорк
„Чарлс Џејмс беше еден од најневеројатните модни дизајнери во модната историја и тој заслужува да биде познато име заедно со „Шанел“, „Диор“ и Оскар де ла Рента. Ние сме возбудени што го инициравме обновувањето на брендот и сакаме тој да стана најпродаван во свеото“, смета Вајнстајн. Легендарниот американски дизајнер Чарлс Џејмс почина во 1978 година, оставајќи го зад себе вредно модно наследство – неговата модна куќа. Во негова чест минатата година Институтот за костими при њујоршкиот музеј Метрополитен ја постави изложбата Charles James: Beyond Fashion (Чарлс Џејмс: Над модата). Се надеваме дека Зак Посен и Џорџина Чепмен успешно ќе ја продолжат неговата модна приказна.
Нема коментари