Тридневното модно патување на 26-то издание на Fashion Weekend Skopje (Моден Викенд Скопје) заврши во саботата со “The Bridal Fashion Night”, ноќ посветена за невестинска мода.
Настанот го отвори Наташа Карчева и нејзиниот бренд AL APAREL, кој е синоним за детали и рачна изработка од најфини материјали. Од деликатни до авангардни силуети на оваа колекција, се гледа уникатната визија на дизајнерката која остава големи импресии.
Следуваше ревијата на SIGMA Jewelry, бренд за ексклузивен италијански накит кој повторно изнуди воздишки со новата луксузна колекција за претстојната сезона. Оваа ревија ги претстави новите трендови во кои идните невести со префинет вкус за аксесоари, несомнено ќе се вљубат на прв поглед во раскошниот сет ланчиња, обетки и прстени во кои моделите продефилираа на пистата, затоа што му даваат посебно благородна нота на целокупниот изглед за големиот ден.
VLORA & KALTRINA- couture collection е модна рефлексија која се базира на филозофијата за елегантна женственост. Секоја нивна креација е рачно изработена, а тоа внимание кон деталите кое е претворено во љубов кон истите, ги прави нивните креации од класично елегантни до модерно софистицирани.
Финал6тое беше оставено за FA-BU на Јагода Пачемска, дамата од арт-студиото за цвеќе „Фа –Бу”, која изработува несекојдневни фустани од свежо цвеќе. Пачемска секогаш инспирирана од убавината која ја дава природата преку цветови и зеленило, a нејзините креации се еколошки, цветовите од вашиот фустан можат да се компостираат по нивната употреба.
(ПР објава)
Фото: Гјоргиј Ристоски
Нема коментари