По заминувањето на Александар Ванг од позицијата главен дизајнер и креативен директор во „Баленсијага“, каде остана само неколку сезони, се отвори ново мошне посакувано работно место во една од најпознатите светски модни куќи. По извезно шпекулирање и нагаѓање, менаџментот на групацијата „Керинг“, во чие портфолио се наоѓа „Баленсијага“, одлучи – Демна Гвасалија е новиот креативен директор! Дизајнерот Гвасалија со ова направи огромен чекор од креатор на Vêtements и андерграунд моден херој до артистички дректор во куќа со богата историја во високата мода.
Грузиецот Демна Гвасалија (34) е основач на парискиот моден бренд Vêtements, дипломец на престижната Кралска академија на уметност од Антверп, бил финалист на модната награда на LVMH, а осум години работел кај Мартин Марџела. Првата колекција за „Баленсијага“ ќе ја претстави во март следната година, а паралелно ќе го води и својот проект Vêtements.
- Почестен сум и возбуден што ми се даде можност да ја донесам мојата креативна визија во „Баленсијага“, куќа со таква исклучителна историја на поместување на границите на модернизмот во мода. Со нетрпение очекувам понатаму да ја проширам ДНК кодот та на куќата и заедно со тимот, да напишам ново поглабје во нејзината историја – изјави Гвасалија за WWD.
Нема коментари