Откако пред неколку дена во весникот New York Times излезе истражувачка сторија во која манекени и асистенти открија дека биле сексуално злоставувани од страна на познатиот моден фотограф Марио Тестино, по примерот на Ана Винтур од Vogue и издавачката куќа Condé Nast, неколку модни куќи ја прекинаа соработката со фотографот. Прво реагираа од луксузната британска модна куќа „Барбери“.
Марио Тестино со години ги фоторафираше рекламните кампањи на куќата „Барбери“
„Тврдењата од ваков карактер треба да се земат многу сериозно. „Барбери“ е посветена на обезбедување на брзо, безбедно и чесно работно место и атмосфера, и немаме толеранција кон какво било вознемирување, дискриминација и злоупотреба. Сигурноста и безбедноста на вработените се приоритет за „Барбери“ и ние се стремиме сите наши партнери да ги почитуваат нашите принципи и правила кои се согласни на правото“, сопштија од „Барбери“.
Кејт Мос и Џиџи Хадид во кампања на Стјуарт Вајцман за пролет 2018, веројатно последна на Тестино за брендот
На реакцијата на „Барбери“ се придружи и дизајнерот Мајкл Корс, кој рече дека повеќе нема да соработува со фотографот поради сериозните обвинувања против него, како и брендот за чевли Стјуарт Вајтман, за кого Тестино ја сними пролетната кампања. Се очекува во иднина и други дизајнери и модни куќи да ја раскинат соработката со Тестино, како последица на тешките обвиненија.
Нема коментари