Виктор и Ролф слават 25-годишен јубилеј со концептуална монографија

Холандските дизајнери Виктор Хорстинг и Ролф Снорен годинава слават 25 години модна кариера и старт на нивната концептуална модна приказна со монографија во малку поинаков формат во издание на Phaidon. Од самите почетоци во 1993 година кога почнаа да работат кај Мартин Марџела и со основањето на својот бренд Виктор и Ролф, тие се одлучија за поинаков моден израз, балансирајќи на границата на мода, перформанс и театар, и претставувајќи иновативни ревии кои се повеќе од мода. Новата монографија за Виктор и Ролф наречена Viktor&Rolg Cover Cover има драматичен изглед благодарение на соработката со графичката дизајнерка Ирма Блум, која подготви дизајн што достојно му парира на принципите и експерименталниот свет на модните креатори. Книгата има 540 страници, 400 фотографии, скици, текстови кои се однесуваат на колекциите на Виктор и Ролф, а е комплетно направена во необичен форма на 8 страници кои се превиткуваат. „Оваа книга читателите ги повикува да ја откријат позадината на нашето лудило“, порачуваат Виктор и Ролф во публикацијата, која открива сосема ново ниво на креирање книги, исто како што работата на креаторите во последните 25 години претставува нова визија за концептуални креации. Концептот на повеќе страници кои ее певиткуваат само уште повеќе ги нагласува драматичните слоеви карактеристични за нивната работа. Книгата излегува на 4 јули, што се поклопува со претставувањето на новата haute couture колекција на Виктор и Ролф во Париз. Јубилејната публикација, специјалното издание, како и маици, постери, марами, беџови, торби може да се најдат и во поп-ап продавницата на Виктор и Ролф, ексклузивно отворена во музејот Kunsthal во Ротердам, каде до 30 септември е поставена ретроспективна изложба на дизајнерите.   *Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.