Креативката Александра Атанасовска, која стои зад брендот за современ филигран, MORPHO, на 21 април (сабота) ќе одржи работилница за изработка на накит во просториите на CEED HUB Skopje. Обуката под назив Design with MORPHO ќе се одржува од 12 до 15 часот. -На работилницата ќе разговараме за филигранството и ќе дизајнираме нови модели на накит преку кои ќе ја истакнете вашата креативност и индивидуалност. Во оваа три часовна дружба, ќе разменуваме идеи, ќе го погледнете процесот на изработка на едно парче накит и за крај, ќе ви подготвиме едно мало изненадување-вели Атанасовска. 
Александра, откако го завршила курсот по филигран пред неколку години одлучила да го основа брендот MORPHO-инспириран од сината пеперуга. Во интервјуто за stylist.mk пред неколку месеци таа изјави: -Целата идеја и концепт на MORPHO започна пред точно една година. Набрзо по завршувањето на курсот почнав да размислувам за остварување на сопствен бренд кој ќе претставува одраз и експресија на мојата креативност. MORPHO претставува еден поинаков начин на себеизразување во чија основа е традиционалната филигранска изработка покажана во една нова димензија. Современото е во допир со традицијата, но во одреден момент се издигнува над неа. Клучната инспирација за името- Сината Морфо пеперутка, е препознатлива по нејзините нијанси на сино и металик, бои кои не се одраз на пигментација туку преставуваат оптички феномен. Оваа карактеристика овозможува произведените бои да се менуваат во допир со светлината и зависат од аголот на гледање. Токму првиот дизајн за прстен кој ме поттикна да се вљубам во филигранството беше инспириран од Blue Morpho пеперутката. Заедничкото својство помеѓу Morpho пеперутките и MORPHO филигранот е уникатноста и специфичноста на секоја пеперутка, односно секое парче накит-вели Александра. Сите заинтересирани да бидат дел од работилницата може да се пријават на следниот линк: Design with MORPHO Целото интервју со Александра Атанасовска може да го прочитате на следниот линк. 
Можеби ќе Ве интересира
Нема коментари