Оваа година, Саемот за венчавки го доживува своето 13-то издание, носејќи незаборавно искуство за сите идни младенци и љубители на свадбената магија. Настанот ќе се одржи од петок, 21 февруари (од 18:00 часот) до недела, 23 февруари (до 18:00 часот) во хотел Александар Палас, Скопје, каде што ќе бидат претставени најновите трендови во свадбената индустрија.
Во петок, на официјалното отворање, посетителите ќе уживаат во специјален настап на пејачката Елена Ристеска. Во рамките на програмата е модната ревија „Познатите во венчаници и костуми“, на која јавни личности ќе прошетаат по пистата во ексклузивни венчаници и костуми од врвни дизајнери.
На саемот ќе се претстават над 50 изложувачи од сите сегменти на свадбената индустрија, со своите најнови колекции, услуги и понуди.
Водител и домаќин на настанот е Снеже Велков („Нешто Конкретно“)
Овој тридневен настан ќе понуди богата програма, модни ревии, презентации и можност за ексклузивни понуди за сите идни младенци.
Влезот е отворен за сите посетители!
Влезници се купуваат на самиот влез на хотелот и он лајн на www.mktickets.mk
Цена на влез 200 ден.
Нема коментари