Од супермаркетот на Карл Лагерфелд кај „Шанел“, футуристичкиот панк кај Жан Пол Готје, новата женственост кај „Живанши“, па до возбудата што тоа Никола Гескиер ќе прикаже во првата коелкција за „Луј Витон“, Париската модна недела донесе голем број креации за есен-зима 2014/15 кои балансираат помеѓу авангардноста и луксузниот стил на големите француски модни куќи.
ЛУЈ ВИТОН – Првата колекција на Никола Геские за францускиот бренд донесе модни стилови од 70-тите години, нови модели на чанти и многу лакирана кожа.
ШАНЕЛ – Карл Лагерфелд луксузните парчиња на модната куќа ги претстави со сценографија на супермаркет. Феноменално или или дизајнерот направи штосно и иронично „тролање“ на модниот свет!?
ВАЛЕНТИНО – Ретро принтови и силуета од 60-тите; вечерни фустани од деликатен тул и вез; тантела и кожа; ромбови, цветен дизен и оп-арт точки.
СЕН ЛОРАН – Наместо гранџ, Хеди Слиман прикажа облека во мод-стил која најмногу се забележува во мини фустаните и здолништата во А-линија.
ЕЛИ САБ – Долги фустани украсени со светки, омбре-нијансирање и цветни пари, Саб создава модели како измислени за црвен килим. Пример!? Еден сличен модел избра Анџелина Џоли на последните „Оскари“.
СТЕЛА МАКАРТНИ – Британката во Париз прикажа нослива, забавна и енергична колекција со волуменозни блузи, асиметрични џемпери, кратки фустани и широки капути.
СЕЛИН – Фиби Фајло со уште едно успешно претставување: миди здолништа, асиметрични кроеви и долги џемпери. Строгите изгледи се раскршени со женствени детали како брошеви, пердуви и обетки на едно уво. Не сме воодушевени од чевлите, ама остатокот е шик!
ХАЈДЕР АКЕРМАН – Посмирена колекција споредено со претходните, со акцент на пригушени бои, реминесценција на минимализмот од 90-тите и елементи позајмени од машката облека.
ЖАН ПОЛ ГОТЈЕ – Панк за 22 век! Мешавина на елементи од британската панк сцена со футуристички детали, металик-ткаенини, рефернци на астронаутски одела, кариран дезен и манекени од сите возрасти на сцената.
КЕНЗО – Дизајнерите на брендот се фокусираа на силуетата, на волуменозни глок здолништа и на широки јакни и капути, сето тоа со помош на живописни бои и хипнотизирачки линии.
ЖИВАНШИ – По уличната естетика и Бамби блузоните, Рикардо Тиши сега ја слави новата елегантна женственост преку едноставна силуета, свилени фустани и впечатливи шари.
ИЗАБЕЛ МАРАНТ – Дизајнерката повторно напаѓа со препознатливите елементи: маркантни раменици, кежуал панталони и секски-кул здолништа. Новини се карираната облека во кафени тонови и црно-белите плетива.
ДИОР – Мајсторот на високата мода Раф Симонс се потпира на стилот на Кристијан Диор преку колекцијата на едноставни линии и класични кроеви, повеќеделни фустани во контрасни бои, костими и совршено скроени палта и фустани со светкави апликации.
ЛАНВИН – Екстравагантна ревија со која Албер Елбаз демонстрира луксузна облека од свила и крзно со нагласен волумен, едноставен крој и многу набори.
БАЛМАН – Вака треба да изгледа хип-хоп високата мода, нели? Куќата предлага раскошни здолништа, животински принт, карго-јакни, златни ланци и кожни фустани во стилот на 80-тите.
ДРИС ВАН НОТЕН – Белгискиот дизајнер прикажа хавајски цветови, графички шари, неонски бои и широки форми. И повторно воодушеви!
БАЛЕСИЈАГА – Во колекцијата на Александар Ванг доминира спортски шик во минималистичка изведба: волуменозни парка јакни, нагласени раменци, панталони со трапезоиден крој, фустани со ѕвонест крој и мноооогу патенти.
Нема коментари