Со завршувањето на модната недела во Њујорк посветена на колекции за пролет-лето 2018 да се потсетиме на највпечатливите моменти и креации
Оваа сезона Њујоршката модна недела доживеа одлив на повеќето дизајнери кои одлучија колекциите да ги престават во Париз или Лондон, загрозувајќи го со тоа статусот на еден од четирире светски модни центри, но тоа остави простор за нови и независни креатори. Том Форд после долго време се врати со ревија во Њујорк, колекции претставија клучните американски модни куќи Келвин Клајн, Маркеза, Мајкл Корс, Ралф Лорен, Каролина Херереа, а модната недела ја затвори Марк Џејкобс. На модните ревии учествуваше Ешли Греам и други plus size манекенки, сезонава деби на модната писта направи Каја Гербер, 16-годишната ќерка на супермоделот Синди Крафорд. Таа беше ѕвезда на неколку ревии, а за првпат на писта прошета и Мингус Ридус, синот на Хелена Кристенсен. Ријана во рамките на Њујоршката модна недела имаше две презентации – ревија за колекцијата што ја дизајнира за брендот Puma, и по повод лансирањето на својата козметичка линија Fenty Beauty. Вообичаено во текот на модната недела се одржуваат повеќе забави, презентации и промоции на парфеми, впечаток остави големата забава на Карин Ротфелд и Harper’s Bazaar посветена на серијалот фотосесии „Икони“.
Том Форд за старт на Њујоршката модна недела – многу блесок, гламур и сексапилна силуета
Ќерката на супермоделот Синди Крафорд, Каја Гербер, за првпат на писта
Ѕвездите се собраа на големата забава на Harper’s Bazaar
Автобусот #WangFest затвори неколку улици во Бруклин за ревијата на Александар Ванг
Тропски стил за летен гламур кај Мајк Корс
Мода и автомобили: Ралф Лорен претстави „види сега-купи сега“ колекција инспирирана од неговите автомобили
Новата димензија на минимализмот според Викторија Бекам
Колекцијата на Шејн Оливер (Hood by Air) за Хелмут Ланг донесе авангарда на модната недела
Моторџиско рели на претставувањето на колекцијата Fenty x Puma на Ријана
Сестринска поддршка: кога на манекенката Џиџи Хадид ѝ падна чевлата за време на ревијата на Ана Суи, на помош дојде нејзината сестра Бела Хадид
Подмладување во модната куќа на Оскар де ла Рента благодарение на дизајнерите Фернандо Гарсија и Лора Ким (Monse)
Комичарката Лесли Џонс не можеше да го воздржи одушевувањето на ревијата на Кристијано Сиријано
Американа на Раф Симонс кај Келвин Клајн
Пастелните соништа дел од шарената приказна на „Делпозо“
Марк Џејкобс ја затвори Њујоршката модна недела со максимален импакт
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари