Влијателното списание Vanity Fair години наназад издава холивудско издание со тространа насловна страница на која се сместени најзначајните холивудски актери на годината, делумно во чест на доделувањето на наградата „Оскар“, но и како оддавање признание на најспектакуларните актерски улоги. Уредништвото денес откри мал дел од мартовското издание, а впечаток остава насловната на која се фотографирани Џорџ Клуни, Џулија Робертс, Лупита Нионго, Џаред Лето, но и Чиветел Ејиофор, Идрис Елба, Наоми Харис, Мајкл Б. Џордан, Бри Ларсон, Чедвик Босман, Марго Роби и Леа Сејду. Ова е 20-то холивудско издание на магазинот, а фотографијата од насловната е дело на Ени Лејбовиц.
Нема коментари