Од снимањето на новата фотосесија на Линдберг
Познатиот моден фотограф Питер Линдберг ги обедини супермоделите пред својот објектив, 25 години подоцна по култната насловна на Vogue со Наоми Кембел, Линда Евангелиста, Татјана Патиц, Кристи Тарлингтон и Синди Крафорд. Насловната на Линдберг дополнета со легендарната црно-бела фотосесија (во која учествуваа и Хелена Кристенсен и Клаудија Шифер) беше еден од клучните моменти за раѓањето на феноменот супермодел, а токму овој фотограф одлучи да ги оживее легендарните рани 90-ти години и да направи нови фотографии. Заедно со стилистката Керолин Серф де Дадзил ги собра Синди и Татјана, како и Хелена Кристенсен, Ева Херцигова, Надја Оерман и Карен Александар и направи нов сет на фотографии. На сајтот Nowness постирано е и видео од снимањето во кое манекенките зборуваат за соработката со Линдберг.
Легендарната насловна на фотографот со Наоми, Линда, Татјана, Кристи и Синди за британски Vogue, јануари 1990 година
Нема коментари