Барбара Спасевска е храбра девојка која љубовта кон уметноста не би ја менувала за ништо на светот. Доволно е да се загледате во нејзините фотографии за да ја почуствувате вистинската емоција. Со фотографија работи самостојно, четири години. Во тој период зад себе остава една самостојна фотографска изложба „Време, Прогрес, Дело“(2015), и учествува на групна изложба на фотографии во Куманово.
Професионално работи модна и комерцијална фотографија, во соработка со модната агенција „Моделс Ин“. Нејзин последен проект е фотосесија со моделот Мартин Митковски, со артистични моменти во склоп на модната фотографија.Од друга страна искуството на Мартин во целата приказна го надополнува ефектот.
Не го изостава и проучувањето на уметничката фотографија. Најчеста тема во нејзиното фотографско проучување е природата на човекот, односно неговата психофизичка експресија. Ја користи симболиката односно метафората преку визуелни елементи во самата фотографија, со цел отвoрање пошироки хоризонти на размислување кај гледачот. Една година работи на нов фотографски проект наречен „Таа“, кој наскоро ќе биде изложен.Со нејзината работа и мотивираност докажува дека убавата фотографија не е чиста случајност.Како што вели самата Барбара -изложбата ги раскажува емоциите ако успеат да ги препознаат.
Нема коментари