Complete your puzzle е називот на новата колекција на македонската дизајнерка Олгица Ѓоргиева, што ќе ја претстави на десеттото издание на Моден викенд-Скопје. Креаторката, која има учествувано на речиси сите изданија на најголемата модна манифестација кај нас, поддржана од Oxette ќе ги презентира новите креации на 25 октомври, во 21 часот во салонот на „Ауди-Порше Македониjа“. Ѓоргиева создала линија што ја опишува како женствена, елегантна и минималистичка, безвременска и инспиративна, силна и нежна истовремено. Моделите се наменети за девојки и жени со смисла за естетика, елеганција и модерна нота. Колекцијата ќе биде составена од секојдневни парчиња, но и елегантни свечени фустани кои ќе прават целина и ќе ја комплетираат сложувалката.
Олгица открива дека линијата ја креирала во Париз, за време на тамошната модна недела, на која имала можност за присуствува на ревии од светски познати креатори, учествувала на работилници и се запознала со дел од посетителте и излагачите лично. Ја посетила ревијата на „Кензо“ , од настаните на Галијано, како и модните спектакли кои се случувале на улиците од Париз.
-Модната недела во Париз мора да се доживее, не може да се раскаже. Оваа посета претставува огромно искуство за мојата работа. Ревиите од светски карактер се одлична можност за компарација иприбирање идеи кои ќе бидат одлично освежување и инспирација кое се надевам ќе го пренесам до мојата публика преку новата колекција. Посетив неколку шоурумови каде што можеше да се види вистинска продажба на дизајнерски парчиња и свесност за почит и третирање на дизајнерско парче и работата на еден дизајнер. Музејот за уметност и текстил исто така е одлично, фантастично место за црпење на инспирација…модата претставена низ историјата, до ден денес…изложени беа парчиња облека кои беа направени пред 100 години кои дишеа со толкава свежина што како денес дека се создадени-вели Олгица, која објаснува дека Модната недела во Париз претставени шаренило од стилови: од минималистички до креативни.
Ѓоргиева летово беше актуелна со победата во конкуренцијата за најдобар дизајнер за регионот на Европа и Русија на Интернационалните бугарски модни награди EIRENE 2014. Успеа да се пласира во финалето, меѓу 10-те најдобри, на престижниот избор. По една сезона пауза се враќа со ревија на Модниот викенд, чиј учесник е од првото издание. Во меѓувреме се престави на Модната недела во Битола, создаде мини линија на маици со принт и колекција наманета за деловни жени.
ОЛгица неодамна создаде мини линија на маици со принт
Нема коментари