Јужнокорејскиот „Паразит“ на Бонг Џун-Хо со историски триумф во категоријата филм на годината на овогодинешните Оскари, прв странски филм кој освоил награда во оваа главната категорија, победници меѓу актерите Хоакин Феникс („Џокер“), Рене Зелвегер („Џуди“), Бред Пит („Беше еднаш во Холувуд“) и Лора Дерн („Брачна приказна“).
Рене Зелвегер, Хоакин Феникс, Лора Дерн и Бред Пит
Македонците изминатава ноќ будно го следеа додлувањето на најважните филмски награди, годинава македонскиот документарен филм „Медена земја“ се натпреваруваше во две категории – за документарен и за странски филм. „Медена земја“ на Тамара Котевска и Љубо Стефанов можеби не доби Оскар, но филмот изминатава година освои голем број награди, доби безброј позитивни критики во најважаните публикации, остави силен печат кај милиони гледачи, после подолго време ја стави Македонија на светската филмска мапа и го фасцинира светот со приказната за харизматичната пчеларка Атиџе Муратова.
Тимот на „Медена Земја“ Атанас Георгиев, Љубо Стефанов, Тамара Котевска, Атиџе Муратова, Самир Љума и Фејми Даут на Оскарите
Во категоријата за документарен филм Оскарот „ни го зеде“ „Американска фабрика“ продуциран од поранешниот петседател на САД Барак Обама и неговата сопруга Мишел, а во категоријата за странски филм победи „Парази“ од Јужна Кореја, кој воедно е и најдобар филм. Нема простор за разочарување, честитки до целиот тим на „Медена земја“, огроен успех се двете номинации, тие вчера достојно нè претставија и со своето дело поставија високи критериуми и предизвик за следните македонски филмови.
„Паразит“ од Јужна Кореја на режисерот Бонг Џун-Хо е првиот странски и неанглиски филм кој во досегашната 92-годишна историја на Оскарите освоил награда за најдобар филм, а победи и во уште три категории –режија, оригнално сценарио и најдобар странски филм.
Нема коментари