Користејќи ја традиционалната техника на плетење, комбинирана со навидум неспоивите метални и пластични елементи, дизајнерката на накит и облека Катерина Микрут создала современи модни додатоци во индустриски стил. Креативката, која твори под името Mikka Design, вчера во скопското арт-кафе „Концепт 37“ ја изложи својата нова колекција наречена Knitted Solutions (плетени решенија).
Креациите докажуваат дека со плетење може да се постигне доста експериментален производ. Ѓерданите, алките, чантите и обетките во својата основа се плетени, но надополнети со проѕирни гумени материјали од различен вид, како и металните додатоци, а има дури и штрафови. За првпат во нејзната линија има и чевли и чизми, кои се доработени и со плетени елементи. се чантите направени од стари пластични шишиња, како и стари футроли за цедиња,врз кои Микрут направила плетило.
Поради доминацијата на пастелните бои , линијата е наменета повеќе за наредната сезона пролет-лето 2015. Креациите се наменети за жени кои се наоѓаат себеси во експериментирање со стилот, со облеката и додатоците, за кои личен стил е секојдневната уметност. Парчињата од колекцијата ќе можат да се купат во „Концепт 37“. (А.Н.)
Фото: Stylist.mk
Нема коментари