Видеа и фотографии за претставување на новите колекции на висока мода на Шанел, Диор и Џамбатиста Вали

Модните куќи бараат начин како да ги претстават колекциите на висока мода во време кога на социјално дистанцирање поради коронавирусот. Кога класичните модни ревии повеќе не се опција, се бараат нови форми и формати за претставување на најексклузивните колекциите – оние со признак haute couture (висока мода). Поради тоа Париската недела на висока мода во ова време добива нов изглед…

Откако модната куќа Балман и креативниот директор Оливие Рустен претставија колекција на брод кој плови на Сена, со помош на манекенки и без публика, Шанел, Диор и Џамбатиста Вали новите модни приказни за сезоната есен 2020 ги раскажаа преку видеа и фотографии.

ШАНЕЛ

Дизајнерката на Шанел, Виржини Вјар, за новата колекција на висока мода се инспририра од рок романтизмот и стилот на брендот на претходниот дизајнер, Карл Лагерфелд. Главна улога во колекцијата за есен 2020 има твид материјалот кој е во ДНК-кодот на париката модна куќа.

ДИОР

Дизајнерката Марија Грација Кјури внесе надреализам во новата колекција на Диор. Нејзината инспирација од надреалистичките уметници Ли Милер, Дора Мар и Жаклин Ламба може да се забележи на фотографите за кутур-колекцијата, како и во модното видео на Матео Гароне, Le Mythe Dior, во кое ја следиме приказната за сирените и другите митски суштества кои ги среќаваат двете момчиња што носат ковчег со кукли облечени во минијатурни креации на Диор.

ЏАМБАТИСТА ВАЛИ

Манекенката Џоан Смолс се појавува во ова видео за да ги претстави новите креации на Џамбатиста Вали кои се со многу волумен, должина, слоеви од карнери, големи панделки, интензивни бои… Вали вели дека колекцијата ја посветува на „градот на светлината“, Париз, градот кој е единствен токму по високата мода.

*Не е дозволено пренесување на содржината на www.stylist.mk без одобрени на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.