Режисерката на филмот „Господ постои, името ѝ е Петрунија“ Теона Стругар Митевска ја доби наградата за најдобра режија на штотуку завршениот 62 Филмски фестивал во Пула. Теона е наградена за најдобра режија во категоријата на малцински копродукции. Наградата ја прими Лабина Митевска, која глуми и е продуцент на филмот.
Како што известуваат од продукцијата на филмот петочленото жири едногласно и ја има доделено оваа награда на Теона Стугар Митевска, образложувајќи дека „прецизната препознатлива режисерска работа успева целосно да го вовлече гледачот во настаните, карактерите, случувањата и општествените околности во филмот“.
Ова е веќе седма награда за „Господ постои, името ѝ е Петрунија“ на меѓународната сцена, а фестивалскиот живот воопшто не стивнува. Петрунија продолжува во месец Јули со својот фестивалски живот, присутна на девет фестивали низ целиот свет. По Пула, Петрунија го отвори филмскиот фестивал во Одеса, Украина, од таму е филм на отварање на Мотовун Филмскиот фестивал во Хрватска, а потоа настапува во конкуренција на Авторскиот филмски фестивал во Палич, Србија, па во Кина и Нов Зеланд.
Инаку, спротивно на првичните информации, наградата за Петрунија се однесува за катеоријата на малцински копродукции. Апсолутен победник на фестивалот во Пула е „Дневникот на Диана Будисавњевиќ“, на Дана Будисављевиќ, филмот кој доби Златна арена за најдобар филм и најдобра режија, како и за музика и монтажа.
Нема коментари