Една од пионерите на современата мода, француска дизајнерка Соња Рикел, почина денеска на 86-годишна возраст. Црвенокосата креаторка, позната како Кралица на плетивата, изминатиот период се бореше со Паркинсовата болест. Нејзината ќерка Натали потврди дека Рикел „почнала утрово во 5 часот во својот дом во Париз, како последица на Паркинсовата болест“. Францускиот претседател Франсоа Оланд по повод смртта на кулната креаторка изјави дека „Соња Рикел била пиенер во модата. „Таа осмисли, не само стил, туку цел став, начин на живеење и постоење, и понуди слобода на движењето“.
Зад себе Рикел остави големо модно наследство. Препознатлива беше по лежерните плетива со пруги, како и по осовременување на францускиот шик и кабаре имиџ. Својата модна приказна ја почнала уредувајќи излози во една париска текстилна работилница. Откако не можела да најде соодветен џемпер додека била бремена во 1962 година години, решила сама да сплете. Потоа сè е историја. Од плетиво за себе, развиа млад бренд. Кон крајот на 60-тите ја отворила својата прва продавница со дизајнерска облека во Париз, каде што клиентки ѝ биле ѕвезди како Кетрин Денев, Лорен Бекол и Одри Хепберн. Светска слава постигна во 70-тите години со своите плетива кои ѝ дадоа слобода на жената. На местото уметнички директор во својот бренд беше до 1995 година, по што ја наследи нејзината ќерка. Изминативе две декади активно ја следеше работата и развојот на брендот. Во 2009 година доби Орден на Легијата на честа, како признание за 40-годишното залагање во француската модна индустрија.
Нема коментари