Во Париз на 77-годишна возраст почина еден од најзначајните модни дизајнери на денешницата Азедин Алаја, објави францускиот весник Le Point. Роден во Тунис, кариерата ја почнал во Париз, а стана омилен меѓу жените бладодарение на софистицираните и елегантни креации со доза на сензуалност. Почнал во ателјето на Кристијан Диор под водство на Ив Сен Лоран, работел кај Ги Ларош и Тјери Муглер, а во 70-тите лансира сопствен бренд. Колекциите претпочиташе да ги прикажува во интимна атмосфера во своето ателје во парискиот кварт Маре, избегнувајќи ги светлата на рефлекторите во корист на дискрецијата. Беше еден од ретките креатори што ги игнорираше традиционалните модни сезони, но тоа и дискрецијата не му беа пречка да стане доволно познат и препознатлив по креациите во духот на високата мода кои ја нагласуваат женската силуета. Најголем успех имаше во 80-тите, често соработуваше со Наоми Кембел, а неговите кутуриерски модели ги носеа многу познати жени, од Грета Гарбо до Мишел Обама.
Азедин и Наоми – повеќедецениска соработка
Супермоделите во креации на Алаја во едиторијал од 90-тите
Мишел Обама, Ријана, Лејди Гага и Пенелопе Круз дел од жените што сакаат да ги носат креациите на Алаја
Од колекцијата за пролет-лето 2017 прикажана во неговото ателје во Париз
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари