Еден од најпопуларните дизајнери на денешницата, основач на брендот Off-White и креативен директор на машката колекција на Луј Витон, почина на 41-годишна возраст
Вирџил Абло далеку од очите на јавноста се бореше со редок и агресивен облик на рак – срцева ангиосаркома, а веста за неговата смрт ја потврди и компанијата LVMH, која своевремено го анажира како во Луј Витон, како прв црн дизајнер на модната куќа.
Визионер и креативен генијалец, Вирџил се смета за еден од највлијателните дизајнери во својата генерација. Роден во Чикаго во семејство со потекло од Гана, порасна во дете кое ги обожава модата, уметноста, дизајнот и културата,а подоцна дипломец на архитектура кој ќе се посвети на модата. Го основа луксузниот „стритстајл“ бренд Off-White со кој доживеа метеорски успех, а со својата работа ќе го привлече вниманието на првите луѓе од најуспешниот моден конгломерат LWMH кои во 2018 година ќе го ангажираат како креативен директор во Луј Витон.
Следната година ќе му биде дијагнозиран рак и дизајнерот ќе одлучи информацијата да не ја сподели со јавноста. После двегодишна борба, битката ја изгуби во неделата, 28 ноември, оставајќи ги зад себе сопругата Шенон и децата Лоу и Греј. Но, зад себе остави и големо модно наследство.
Од првата колекција на Вирил за Луј Витон
Популарен во модниот свет
Вирџил после ревија на Off-White
Нема коментари