Македонската дизајнерка Душица Петит која живее и работи во Париз каде што веднаш по дипломирањето на одделот за висока мода на Есмод почна да го развива сопствениот бренд „Шалева“ со кој се претстави на минатото издание на Моден викенд-Скопје, сега има нов проект. Од досегашното креирање и последната колекција „Француска елеганција“, може да се забележи прецизната рачна изработка на моделите и елементи карактеристични за високата мода, но во моментов е преокупирана со создавање на првата prêt-a-porter колекција. За таа цел, како и повеќето млади дизајнери, се одлучи на crowdfunding системот, односно финансирање преку одреден сервис со цел комплетирање на проектот.
Модел и шминка: Meizi Peng
-Веќе неколку месеци работам на мојата прва prêt-a-porter колекција на брендот „Шалева“ и проектот ми е валиден на еден сајт за партитативно финансирање. На линкот на Ulule може да го погледнете проектот и ако сте во можност и да ја поддржите колекцијата. Неколку креации се ставени на претпродажба со пониски цени од оние кога ќе бидат лансирани како колекција, а кој сака може да го поддржи проектот без купување на креација. Минималниот износ за поддршка е 5 евра – ни објасни Душица Петит која во моментов во Париз ја креира својата prêt-a-porter колекција.
На сајтот за финансирање може да ги погледнете скиците со моделите од колекцијата наречена Watch Me, а прототип моделот дизајнерката Душица веќе го фотографираше. Колекцијата е црно-бела графичка игра со оп-арт елементи, а дизајнерката порачува дека креациите може да ги носат и машките.
Модел: Antoine Fernandez/ Фотографија: Nicolas Dupuis
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари