Американскиот моден дизајнер од непалско потекло Прабал Гурунг испраќа повик за донации по катастрофалниот земјотрес во Непал во кој има многу загинати, големи штети, повредени и уништени вредни храмови. Гурунг е и лично погоден од несреќата, бидејќи неговите родители, сестра му, зетот, внуките и други роднини се во главниот град Катманду и веднаш по веста ги мобилизира силите за собирање донации. „Имам своја фондација, Shikshya Foundation Nepal, а се поврзавме со Crowdrise за да собереме пари за непосредни потреби и обнова на регионот. Непосредни потреби на терен е лекарска помош, барање преживеани и спасување, организирање засолништа, набавка на храна и вода… Големината на штетата уште се проценува, има стотици срушени згради, како станбени, така и некои од највредните култни храмови и споменици“, вели Прабал.
Дизајнерот во посета на Катманду
Роден во Сингарур, Гурунг пораснал во Непал, кариерата ја почнал во Индија, но подоцна се преселил во САД каде што дипломорал на познатото модно школо Парсонс и каде што пред шест години ласнира сопствен бренд и важи за успешен дизајнер. Постојано нагласува дека Непал е дел од неговиот идентитет и дека од родната земја црпи инспирација. Повикот на Прабал го заинтересира и модниот свет, па веќе почнаа да пристигаат парични донации преку неговата фондација, а сите средства се наменети за Непал.(K.T.)
Линк за донации: https://www.crowdrise.com/nepalearthquakefund/
Мишел Обама, Зое Салдана и Оливија Палермо се само некои од обожаателите на креаторот
Нема коментари