Традиционално дизајнерката Стела Макартни ресорт колекциите ги претставува преку неколку модни вињети на забава на отворено, во случајов во градина во Њујорк во која ги прикажа моделите за сезоната ресорт 2016. Темата на настанот, но не и на облеката е Куба, што се илустрира преку забава со салса, рум-коктели и двајца момци кои неверојатно личат на Че Гевара и Фидел Кастро. „Секогаш се инспирирам од ослободувачкиот дух на ресорт колекциите. Оваа сезона сè е во знакот на животот, боите и цветовите“, вели дизајнерката која инкорпорирала доста радост и живост во новите креации. Колекцијата ја следи естетиката на Макартни во чии темели е чиста, спортска и доста женствена облека. Таа нуди црни костими украсени со цветен вез, фустани и здолништа инспирирани од кројот на машка кошула, многу цветен принт и мотив на коњи во галоп, но и низа на лелеави фустани во жолти и портокалови тонови. 
Можеби ќе Ве интересира
Нема коментари