Пред само шест месеци Алесандро Микеле беше промовиран од позицијата главен дизајнер за модни додатоци во „Гучи“ во креативен директор на модната куќа, се најде во центарот на внимание кога ја прикажуваше првата колекција за есен-зима 2015/16 и ја импресионираше критиката со релаксираниот луксузен дизајн во стилот на модата од 70-тите години. Неодамна „Гучи“ објави рекламна кампања за предесенската колекција која како да најави драстична промена во естетиката, но ова е главната кампања за есен-зима 2015/16, прва голема под раководство на Микеле и со негова колекција. Фотографиите ги направи Глен Ланчфорд, се појавуваат моделите Теса Брунсма, Тобајас Лунд, Лиа Павлова и Свен де Врис, а според Алесандро идејата е да претстави флуидноста меѓу модната писта и уличната мода. „Модата, особено онаа претапорте, е направена за секој ден и за сите да ја изразат својата креативност и индивидуалност“, смета дизајнерот.
Нема коментари