Во финишот на Миланската модна недела стигна информацијата дека дизајнерот Раф Симонс се придружува на тимот на модната куќа „Прада“ и тоа на уникатен начин – тој ќе ги дели одоворностите на креативен директор заедно со Мијуча Прада. Симонс ќе започне со работа на 2 април 2020 година, според соопштението од модната куќа, белгискиот дизајнер Симонс ќе биде подеднакво одговорен за креативниот допринос и за донесувањето одлуки во куќата.
Првата колекција што Раф Симонс ќе ја креира заедно со Мијуча Прада ќе биде пролет-лето 2021 година и ќе биде претставена во септември на следната модна недела во Милано.
-Ова партнерство, кое ги покрива сите аспекти на брендот „Прада“, се роди од меѓусебното длабоко почитување и отворениот дијалог. И е взаемна одлука – беше нагласено во соопштението на куќата. Како што се наведува, „Прада“ со доаѓањето на Симонс ги менува преовладувачките идеи за единствено креативно лидерство на брендовите и означува ново поглавје за „Прада“ – ера на слободна размена на идеи и соработки.
Раф и Мијуча се едни од највлијателните имиња во современата мода и модниот свет ја исчекува првата соработка на овој креативен алфа сојуз. Невообичаено е во модата двајца дизајнери да ја имаат улогата на ко-креативни директори во еден бренд, но како што изјавија, двајцата веруваат во една идеја, имаат взаемно почитување, оптимистички гледаат на соработката и тоа ги прави единствени во бизнисот полн со суета. Мијуча сега има 70 години и веќе 42 години дизајнира во компанијата „Прада“ што нејзинот дедо ја основал во 1913-тата. Но, и покрај возраста, Мијуча детерминирано вели дека ова не е прв чекор кон нејзиното пензионирање, таа ужива кога работи, туку овој спој со Раф значи повеќе идеи за брендот „Прада“. Раф ќе живее и работи на релација Антверп, каде што е базиран неговиот бренд, и Милано, каде што ќе работи за „Прада“.
View this post on Instagram
BREAKING | Today at a secretly announced press conference at the end of #MilanFashionWeek Prada S.P.A. announced that Raf Simons is joining the house of Prada. The Belgian designer will take up the role of co-creative director, working alongside Miuccia Prada with equal responsibilities for creative decision-making, an unconventional configuration. The appointment is effective April 2nd. Their first show as co-creative directors will be Spring/Summer 2021 womenswear, presented in Milan next September. Read the full story on businessoffashion.com [link in bio] A post shared by The Business of Fashion (@bof) on
Нема коментари