После две и пол години ангажман како креативен директор во американската модна куќа основана од Келвин Кјалн, дизајнерот Раф Симонс си заминува од оваа работна задача. Брендот објави дека заминувањето на Раф веднаш стапува на сила, иако дизајнерот уште шест месеци е под договор. Гласините дека Симонс ја напушта компнијата почнаа да се шират минатиот месец поради креативни несогласувања, а според соопштението објавено во New York Times „Calvin Klein, Inc се одлучи за нова насока на брендот која се разликува од креативната визија на Симонс“. Генералниот директор на корпорацијата која е сопственик на брендот исто така го обвини дизајнерот дека е виновен поради намалената продажба.
Доаѓањето на белгискиот дизајнер Раф Симонс во Келвин Клајн во август 2016 година се сметаше за сензација во модниот свет. Како еден од најталентираните модни креатори и со искуството во париската модна куќа Диор, ангажманот на Симонс во Келвин Клајн требаше да го ревитализира брендот и да донесе огромен успех. И голем профит. Факт е дека Симонс доби пофалби од модниот свет за неговите иновативни колекции, како и три престижни награди, а ревиите со неговите дизајни за Келвин Клајн на Њујоршката модна недела беа едни од најпопуларните. Сепак, дојде со разединување меѓу менаџментот и креативниот Раф, а поради новата состојба, од Келвин Клајн објавија дека нема да организираат ревија на следната модна недела во Њујорк во февруари 2019.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари