На прагот на новата сезона на венчавки Ателје Антонија Ристовска ја претстави новата колекција на венчаници за 2024 година наречена „Рапсодија на љубовта“, која како што вели дизајнерката „креирана е со големо внимание, посветеност и има вткаена љубов во секое парче, во секој детаљ, во секој цвет“.
-Инспирација е Таа – единствена и волшебна, силна и непоколеблива. Секогаш посебна и на пиедестал. Таа, со срце полно љубов и топлина, убава и разнолика како цвеќето во природата. Цвеќето ја разубавува природата, таа го разубавува своето опкружување и го прави светот поубав – ја отркрива Ристовска инспрацијата за оваа колекција.
Моделите во колекцијата изобилуваат со раскошни везови со кристали и бисери и внимателно рачно изработени 3Д цветови. Кроевите го обвиткуваат телото и ја следат женската силуета, создавајќи гламурозен изглед со скулптурална убавина.
Фотографија: Антонио Станков/ Модели: Сара Цветанова иАлександра Салковска- Моделс ин/ Чевли: Најн вест/ Шминка и фризура: Студио Милена Косик
Нема коментари