Актерката Кејт Бланшет важи за жена со возбудливи стајлинзи на црвениот килим, уште еден погодок направи со овој фустан на француската модна куќа „Живанши“ во кој се појави на настан на BAFTA (Британска академија за филм и телевизија) во Лос Анџелес. Креацијата на Клер Вејт Келер е тегет со бели цветови, има асиметрични ракави и плисирани делови, и е дел од колекцијата на „Живанши“ за пролет-лето 2019. Фустанот е долг и ѝ ја нагласува половината, а стајлингот совршено заокружен со брановидни прамени на едната страна, шминка во која доминираат златни и нијанси на праска и со златни обетки.
На овој настан кој се одржува како поддршка на културните врски меѓу САД и Велика Британија се доделуваат наградите „Британиа“, а главната награда за придонес во филмот, односно наградата именувана по Стенли Кјубрик, ја доби токму Бланшет.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари