Од 15 до 20 мај во скопската галерија „Акантус“ ќе се одржи групната изложба „Ретро – Сребро – Фото“ во кој ќе се спојат АмстерДама, дизајнерката на накит Ксенија Котев и фотографот Едвард Станковски.
Ќе се одржи промотивна продажба на АмстерДама, партнерска двојка која живее и работи во Амстердам. АмстерДама има симпатична желба и волја да ја пренесе културата на second hand shopping, која е исклучително популарна во Амстердам. Во „Акантус“ ќе има фина селекција на автентинтични парчиња женска и машка гардероба, која според АмстерДама ги допира ретро, винтиџ, тренди и авангардната мода.
Во духот на дотерувањето, АмстерДама ја има на гости дизајнерката на накит Ксенија Котев. Ќе можете да уживате во сребрената страст на Ксенија и нејзиниот накит кој повторно ќе ве доведе до искушение. На групната изложба ќе бидат претставени парчиња накит од двете претходни колекции на Котев, Hidden stories и Cradle of desires и мал поглед во новата колекција која допрва претстои Embryo.
Финалниот декор го има уметникот Едвард Станковски, кoј повеќе од 25 години живее и работи во Амстердам а, пред скопската публика се претставува со изложбата La Femme Obscure. Во центарот на оваа изложба е жената, нејзината убавина, сензуалност, таинственост и сила.
Изложбата е отворена од утре, 15 мај, во 11 часот, а ќе трае до 20 мај.
Нема коментари