Третиот ден на Моден викенд Скопје во знакот на колекциите на Олгица Ѓоргиева, Al Aparel и студентите на IBU

Fashion Weekend Skopje powered by UNIBank го слави своето 30. издание – не само како моден настан, туку како сцена на културата

Третиот ден на Моден викенд Скопје беше и финишот на модната манифестација што го одржа своето 30-то издание кое сезонава беше поддржано од УНИБанка како генерален партнер и со нDiamond Residence Carat West Office како локација на настанот. Последниот ден на FWSK30 беше во знакот на новата колекција на дизајнерката Олгица Ѓоргиева, венчаниците на Atelier Al Aparel, студентската ревија на Факултетот за уметност и дизајн при Меѓународен Балкански Универзитет – Скопје и цветната мода на FA-BU.

Студентска ревија: Рефлексии на новата генерација

Под темата „Рефлексии“, студентите од насоката за моден дизајн на Факултетот за уметност и дизајн при Меѓународен Балкански Универзитет – Скопје ја претставија својата визија за модата како културна, етичка и емоционална територија. Колекциите истражуваа теми како што се одржливоста, уличната мода како социјален феномен, и естетските категории на убавото, грдото и возвишеното. Секој модел беше личен став, а не само облека. Студенти учесници: Ајшин Серјани, Ангела Крстевска, Ангела Поповска, Берна Ахмед, Ебру Калинка, Елдина Далоши, Есра Фазлији, Енеса Бекир, Хава Јахја, Христина Ѓорѓиева, Кјефајет Исмаили, Лазиме Лусјани, Луна Аврамовска, Оја Осман, Ринеса Ахмети, Сара Саид, Суреја Јакупи, Маригона Рахмани.

Јагода Пачемска на FWSK: Цветна мода што остава без здив

На последниот ден од FWSK, Јагода Пачемска го претстави својот уникатен свет на креации од свежо цвеќе. Преку својот бренд FA-BU, таа покажа дека модата може да биде жива, минлива и моќна порака, а не само тренд. Пачемска не следи сезони – таа следи животот, создавајќи искуства што траат засекогаш во сеќавањето.

Совршена елеганција: Atelier Al Aparel by Natasa Karceva

Под мотото „Eternal Beauty“, Наташа Карчева претстави колекција што ги слави минливите моменти што траат цел живот. Со комбинација на сатен, тантела и богати свилени ткаенини, секое парче раскажуваше приказна за љубовта, традицијата и модерната елеганција. Од раскошни балски фустани до современи мермаид силуети, “Eternal Beauty” ја слави жената што бара софистицираност со душа.

Автентична иднина: Олгица Ѓоргиева

Со колекцијата „The Future – is NOW“, Olgica Gjorgieva ја претстави модата како мост меѓу традицијата и иновацијата. Инспирирана од естетиката на оригами уметноста, оваа колекција донесе скулптурални форми, чисти линии и минималистичка експресија. Со нежни пастелни тонови и рафинирани детали, “The Future – is NOW” е модна визија каде што елеганцијата се среќава со авангарда.

Олгица Ѓоргиева

Al Aparel

Фото: Ѓорѓи Ристоски