Познатиото дело на холандскиот ренесансен сликар Хиеронимус Бош, The Garden of Earthly Delights е инспирација за новата колекција на дизајнерот Роберт Ивановски. Со промоција на неговите нови модели вечерва во 19 часот во Универзитетската библиотека почнува 17-тото издание на Моден викенд Скопје. Поразговаравме со Ивановски непосредно пред ревијата:
- Со оглед на тоа што со мојата ревија се отвара настанот и земено в предвид што колекцијата „бара“ поинакво претставување од класична ревија, презентацијата ќе биде комбинација на ревија со перформанс. Новата локација, односно Универзитетската библиотека нуди одличен простор, нов, различен и многу интересен, со што сметам дека комплетната презентација ќе биде одлична. Колекцијата е инспирирана од познатиот триптих на холандскиот ренесансен сликар Хиеронимус Бош, “ The Garden of Earthly Delights”, кое е најтаинстевеното негово дело, полно со симболи, контрасти и контрадикции. Уметничко дело кое датира од период помеѓу 1490-1510 година и кое од 1939-та е изложено во националниот музеј Прадо во Мадрид. Линијата за пролет-лето 2018 ја именував со истото име на ова уникатно ремек-дело – вели тој.
Хиеронимус Бош e познат е по неговите дела со фантастични фигури и ситуации, со кои илустрирал верски идеи и учења.
Најкарактеристично за новата колекција на Ивановски се контрасните принтовите од сликата вметнатни во урбана современа мода. Како и во најголем дел од неговите претходни колекции, доминира црната, а кројот е разновиден.
-Моделите се за современи луѓе кои имаат тенденција да вметнат уметност и вкусен дизајн во нивниот секојдневен живот – вели Роберт.
Измнинатиот период , после колекцијата „R8” која беше наменета за есен-зима 2017-18 Ивановски направи мала пауза.
-Потребна ми беше мала пауза од модната сцена. Неодамна се роди идејата за новата колекција и почуствував желба за нови предизвици. Моментално сум фокусиран на нејзината презентација, а за останатите планови ќе покаже времето што следи. Проект кој би го издвоил изминатиот период е настанот организиран од страна на Американската амбасада Made in Macedonia: Contemporary Design Embellished by the Past – истакнува тој.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари