Темноцрвената крзнена јака, која е дел од колекцијата „Гавранот“ за есен-зима 2016/17 на Росица Мршиќ, може да се најде во зимскиот изглед на една среќна следбеничка на „Фејсбук“ страницата на познатата креаторка. Сѐ што треба да направите е да го споделите следниот статус на Мршиќ на вашиот тајмлајн на „Фејсбук“ денеска и утре (23. и 24. јануари).
-Овој снежен јануари би сакале да ви подариме нешто што ќе ве стопли, а истовремено ќе го разубави вашиот аутфит. Крзнената јака е еден од нашите најпродавани производи оваа сезона, а сега ќе имате можност да ја добиете и како подарок. Сѐ што треба да направите е да го споделите овој статус на вашиот тајмлајн. Ви посакуваме среќа:)-се вели во објавата на дизајнерката.
Победникот ќе биде избран со https://www.random.org/
Колекцијата е инспирирана од поемата „Гавранот“ на Едгар Алан По
Колекцијата за есен-зима 2016/17, која Росица ја претстави во своето студио во ноември, е инспирирана од поемата „Гавранот“ на Едгар Алан По. Оваа линија вдишува романтика во современиот изглед на жената. Мршиќ во неа ја преведе женската нежност во црна палета, чисти кроеви дополнети со рафинирани слоеви и нагласени со длабоко розови детаљи. Во оваа колекција таа понуди нова силуета: чиста, едноставна и интригантна, женствена и со таинтствена романтика. Таа употребува меки, текстурни и структурирани еколошки ткаенини и ги нагласува со рачно изработени детаљи. Крајниот ефект е игра помеѓу контрастите: екстравагантно и едноставно, темно и светло, романтично и графички прецизно.
Kолекцијата e достапна во студиото на Мршиќ и во бутикот Via во Скопје, на онлајн продавницата на дизајнерката, како и на повеќе интернационални онлајн продавници со кои дизајнерката соработува веќе неколку сезони.
Нема коментари