Несекојдневен спој на њујоршкиот шик и иновативната технологија
Новото Galaxy Z Flip Thom Browne издание за оние кои што не се плашат да експериментираат
Водечките медиуми, инфлуенсери и познатите личности пред некоја вечер имаа прилика да присуствуваат на ексклузивен, приватен настан во склоп на Модната недела во Њујорк, во организација на компанијата Samsung и врвниот моден бренд Thom Browne. Причината за овој собир, во можеби необичниот спој на технологијата и високата мода, беше претставувањето на новото издание на Galaxy Z Flip свитливиот телефон, во бои карактеристични за познатиот њујоршки дизајнер.
Дизајнерот Том Браун со Samsung Galaxy Z Flip телефонот кој го носи неговиот потпис
Том Браун во светот е познат како дизајнер кој што ја промени и осовремени униформата на денешницата – машкото одело. Преиспитувајќи ги традиционалните пропорции, Брауновиот дизајн доследно ја пренесува вистинскиот американски сензибилитет, вкоренет во квалитетна изработка и прецизни кроеви. Неговиот заштитен знак се концептуалните ревии, кои што привлекуваат внимание насекаде низ светот, поради провокативните и драматични теми и поставки, а најновата соработка со Samsung не е ништо поразлична.
Перформанс во живо на Том Браун за време на Њујоршката модна недела
Со цел прославување на почетокот на оваа несекојдневна соработка, гостите присуствуваа и уживаа во live перформансот, по кој што можеа и самите да ја пробаат оваа модна икона помеѓу телефоните за сезоната 2020/21. По пример на уредот, во која што чест е и организиран, настанот беше совршена комбинација од висока мода и технолошки иновации, претставувајќи вонвременски стил и врвна креативност на двата брендови.
Инфлуенсери на ексклузивното претставување на Samsung Galaxy Z Flip Thom Browne Edition телефонот на модната недела во Њујорк
Galaxy Z Flip Thom Browne Изданието е создадено за оние кои што не се плашат да бидат поразлични – како и за оние кои што сакаат технологијата која што ја користат да остава ист впечаток како и нивната гардероба. Во центар на вниманието се линии во бела, црвена и тегет боја, препознатливи за брендот Thom Browne, на модерна основа со боја на песок. Целиот квалитет и иновативните функции на Galaxy Z Flip се присутни и понатаму, а уредот доаѓа во пакување со специјално дизајнираните Galaxy Buds+ слушалките и паметниот часовник Galaxy Watch Active2.
Galaxy Z Flip Thom Browne изданието доаѓа во пакување со посебно дизајнирани Galaxy Buds+ слушалки и Galaxy Watch Active2 часовник
Ограничените количини на Galaxy Z Flip Thom Browne Edition телефоните ќе бидат достапни за нарачување на одбрани пазари, почнувајќи од 14 февруари, на сајтовите Samsung.com и Thombrowne.com, како и на NET-A-PORTER и MR PORTER, додека официјалната продажба ќе започне во март.
За повеќе информации, посетете ги www.thombrowne.com, news.samsung.com/galaxy, www.samsungmobilepress.com или https://www.samsung.com/mk/smartphones/galaxy-z-flip/.
За Том Браун
Браун го започна својот бизнис во 2001 година – со пет одела, во мало студио „по нарачка“ во њујоршката населба West Village. Во текот на наредните години, го ширеше своето внимание, креирајќи ready-to-wear и колекција за аксесоари, како за мажи (2003), така и за жени (2011). Неговиот бренд е моментално достапен во повеќе од 300 водечки трговски центри и специјализирани бутици ширум 40 земји, како и во 31 официјална flagship продавница во Њујорк, Лондон, Милано, Токио, Хонг Конг, Пекинг, Шангај и Сеул. За повеќе информации, посетете ја www.thombrowne.com.
Нема коментари