Новогодишни украси, рачно изработени модни украси и додатоци за домот, кукли, накит од стакло, сребро, дрво, храна и други производи привлекоа неколку стотици гости вчера на еднодневниот базар „КрафтАРТ Фест“ во Старата скопска чаршија. На единаесеттото издание традиционалниот новогодишна продажна изложба собра на едмо место 35 македонски артисани и дизајнери од цела Македонија. Во преполниот седми кат на хотел „Арка“ можеа да се пробат и набават волнени производи и украси од филц: капи,шалеви, чорапи, нараквици, брошеви, дрвени накит, украси за на елка и детски играчки, светилки и предмети за домот од лејка, современ накит изработен во филигран техника, стаклени новогодишни додатоци и накит, ќерамички и бакарни производи, честитки… Учесниците создадоа фантазија од традиционални и современи рачно изработени подароци. Тие со своите производи, го подигнаа празничното разпложение, многумина од гостите набавија дарови за најблиските, а други се подновија со по некој моден додаток, ги пробуваа и им се одушевуваа на делата на креативците. Присутните можеа да набават уникатен накит од Моника Лозановска и Александар Баки Милев, кои стојат зад брендот за накит „Еклектика“, додатоци од виткана бакарна жица Даниела Наумова, сребран накит и парлињаод месинг на Елена Ристовска, Уникатните рачно цртени ѓердани и брошеви од Александра Иванова, честитки од рачно изработена хартија и дрвен накит од Јасмина Главинче (WizArt).
На базарот постителите имаа можност даизберат подарок и да си набават уникатен украси. Современи сувенири изработени со традиционални техники понуди Лидија Марковска („Вивалди“) . Можеа да се погледнат прозиводи од од филц, орнаменти и моливи од рециклирани весници со потпис на Кате Милошевска и Ивана Маневска, накит и орнаменти од лејки на Ѕвонко Спасовски („Арт студио АЈГА“)… Магдалена Стефановска (Бамбус) понуди рачно работен накит во комбинација на разни техники, Елеонора Дуљанова- рачно сликани свилени марами; Ленче Тошевска ( „Брош ленд“)претстави рачно изработени модни додатоци; Џане Крешова од „ Женскиот Форум – Тетово понудиткаени производи. На штандот на Катерина Златановска(„Позитиво“) имаше рачно направени чоколадни бомбони, колачиња и лижавчиња; кај Ристо Ефремовски (ФамилијаЕфремовски)- производи за носење и модни додатоци од филц; кај Елена Ѓурчевска (Eli’s accessories)- накит и производи од мониста, акај Мими Гогушева („Витрум“) можеше да се набават накит и украси од фузирано стакло. Дијана Томиќ Радевска се престави со прозиводи од paper mashe, Здруѓението на жени од Крушево понусија домашно направени: тарана, јуфки, слатка…; ЗДМ-традиционални сувенири и плетеници; СОЛЕМ-Дневен креативен центар за лица со посебни потреби- Door stoppers, wind stoppers, држачи за клучеви, траки за пантaлони за велосипедисти, корпи од платно за саксии и друго. Дел од проект каде дизајнери на производите и графичкиот изглед се Дијана Томиќ, Зоран Рунчев и Весна Аврамовска.
Луиза Милутин (Луи СТИЛ) понуди украси од фузирано стакло; Иво Наумовски одушеви со дизајнираните светлечки тела од лејки; Марија, Ивана и Елена Јовановски- преставија филигран и лиен накито од сребро, бронза во комбинација со дрво; Весна Апостоловска („Мали нешта“)- традиционално имаше созадено дрвени декоративни производи во впечатливи бои; Александра Крстевска направила комбинација на филигрански елементи со тантела. Една од највпешатливие беше тезгата на Буба која престави уникатни јаки и ѓердани -комбинација на филц и мониста. „Шаде“ се претстави со чанти и модни додатоци од филц; Елизабета Филц- шапки и брошеви од филц и тантела, Елена Мехмети- марами и шалови везени на машина-техника на слободна рака; LaSoy-претстави рачно работени сапуни; Катарина Дода- се престави со накит изработен во филигран техника; Моника Станојковска (Орнаменти), декоративни производи и часовници од дрво со техника на ласерско сечење и боење ; Марга Арнаудова-кукли изработени со амигруми техника, а Валентина Манева- производи од ќерамика.
Продажната изложба на уметнички занаети е организирна од страна на МАТА (Македонска Артисанска Tрговска Организација) и хотелот „Арка“, а е подржана од Министерството за Култура на РМ. Во рамките на „КрафтАРТ Фест“ ќе се одржи добротворна продажба организирана од страна на Лионс Клубот Скопје – Светлина. Производите што ќе бидат предмет на аукцијата се донација од дизајнерите, ракотворците и креативните занаетчии, а собраните средства се наменети за добротворни цели.
Фото: Stylist.mk
Нема коментари