SF PREMIUM – Нов бренд и најлуксузна продавница за долна облека

“Кралицата доаѓа… најлусузната продавница за долна облека… SF PREMIUM... Квалитет над луксуз. Секогаш. Секаде.“    

Вака голем дел од нашите познати личности од естрадата ја најавуваа најлуксузната продавница за долна облека во градот. Телевизиските и радио рекламите кои ги слушавме и гледавме овие денови, како и официјалните профили на брендот со најави за новата продавница дополнително ја вжештија атмосферата. Сите бевме во очекување која е продавницата, каде ќе биде најпознато место за долна облека во градот, кој стои зад брендот…

Македонската компанија Де-Та ДООЕЛ вчеравечер во центарот на главниот град, ја отвори новата продавница за долна облека и го промовираше својот најнов бренд SF PREMIUM. Де-Та ДООЕЛ, или за сите нас позната преку етаблираниот македонски бренд Sara Fashion, оваа година го прославува своето 20 годишно постоење на македонскиот и српскиот пазар со величенствено крунисување на своето работење. Долгогодишната посветеност на своите брендови SF и Red Star, како и ексклузивниот застапник на светскиот бренд Penti го крунисаа со презентирање на премиум брендот. Ја поставија круната на својата работа и за своите потрошувачи ја збогатува понудата со нов бренд и линија на производи. Квалитетна, лукзузна, софистицирана долна облека за жени и мажи. Пиедесталот го има кралицата, нејзиното височество SF PREMIUM, која всушност е најлускузното катче каде што секоја урбана девојка и жена ќе го пронајде совршеното модно парче долна облека за себе.

-Гордо ја најавуваме новата продавница и новиот бренд на долна облека SF PREMIUM. Овие 20 години работа, посветеност, истрајност ги вложивме во проширување на понудата и изборот кога е во прашање софистицирана и совршено дизајнирана долна облека. Нашата компанија крунисувајќи го своето работење, го крунисува и секој наш потрошувач овозможувајќи му уникатно искуство и избор на квалитет над луксуз. Како што пренесува и нашиот слоган, тоа го имаат секогаш и секаде – изјави Дејан Спасовски, сопственик и генерален менаџер.

Зад внимателно дизајнираната долна облека со врвен квалитет и материјали, како и зад приказната заедно во тимот е фантастичната дизајнерка Ивана Кнез, долгодогишен соработник на компанијата Де-Та ДООЕЛ, која во оваа прказна се појавува и како бренд менаџер.

-Премиум е за секоја жена која се сака себе си и заслужува најдобро. Бидејќи секоја жена е Кралица нели – ни раскажа Ивана.

Како заштитно лице на кампањата и брендот се појавува прекрасната Марјана Станојковска која го најави новиот бренд со фотосесијата и видеата наменети за линијата костими за капење лето 2019. Како пријатели на настанот се винаријата Стоби и слатките задоволства од Chocolate boom.

На вчерашното отвоворање на SF PREMIUM во ГТЦ се запознавме со новиот концепт за луксузна долна облека. Минималистичкото лого и внимателно уредениот простор беа првите работи што ги забележавме во продавницата лоцирана во ГТЦ. Дека ова е простор за жените што се чувствуваат како кралици, илустрира и малата круна додадена на логото. Во атмосфера на пријатно дружење со домаќините од SF PREMIUM, Марјана Станојковска како заштитно лице на колекцијата на SF PREMIUM, модната дизајнерка Ивана Кнез која е бренд менаџер, на гостите и селектирани медиуми им беше претставена линијата на најлуксузна долна облека со потпис на домашен бренд, а која вклучува широка палета од обични килоти и маички, неглижеа и наметки од тантела, до костими за капење и машки модели.

Покрај задолжителните базични парчиња долна облека во бела, црна и беж боја, вниманието ни го украде делот со секси градници и килоти од раскошна тантела. Привлечни се боите од кои се изработени, како бордо, модрозелена, загасито розова, а има парчиња и во цветен дезен. За жените што сакаат квалитетна долна облека понудени се разни корсети, бодија, ноќници, наметки, а има и добар избор на мидери и спандекс-модели кои се одлични за реобликување на силуетата. Заедничко на моделите во делот на женска долна облека им e квалитетот на ткаенините, модерниот излед и нивната достапност во сите величини.

Во овој период од година сме во потрага на совршениот костим за капење, а во SF PРEMIUM во моментов има широк избор – едноделни и дводелни, класични и со големи изрези од страните и на грбот, во различни величини и прилагодени за жените со секаква градба. Во однос на стиловите, забележавме јаки бои, животински принт, цветни шари и црни модели. Секако не се заборавени ни мажите, и за нив има квалитетна долна облека и шорцеви за капење. Во SF PREMIUM има и разни модели на пижами и одличен избор на чорапи.