Само неколку часа по објавата на повеќе сајтови дека топ-моделот Синди Крафорд планира да се пензионира, таа ја демантира оваа информација на својот профил на Инстаграм. Веста дека една од најпознатите манекенки на сите времиња, која беше дел од златната генерација на топ-модели од 90-тите, се рашири по објавата на интервјуто во февруарското издание на Rhapsody magazine. Во текстот се вели дека откако ќе наполни 50 години, на 20 февруари, таа планира да се повлече од модниот свет. Но, во пораката под црно-белата фотографија на Инстаграм таа тврди дека пред секој роденден со своето семејство се шегува дека ќе се пензионира, без притоа сериозно да го мисли или планира истото, оставајќи простор за интересни понуди.
-Секоја година им велам на своите деца дека ќе се пензионирам. Тоа ни е семејна шега. Но, секоја година се отвораат шанси (за работа како модел) што ме возбудуваат. Точно е дека сакам да го пренасочам фокусот на мојот бизнис, пријателите и семејството, ама не давам конечни изјави (некои од насловите не ја кажуваат вистинската приказна!). Среќна сум што сум дел од модната индустрија изминативе 30 години и ако во тоа време научив нешто, е тоа дека никогаш не треба да кажам „никогаш“. Ви благодарам за сета поддршка, возбудена сум за тоа што го носи 2016 – вели Крафорд која е мајка на две деца, кои ги следат нејзините стапки во манекенството.
Во интервјуто за Rhapsody magazine таа изјави:
-Сигурна сум дека барем уште десет години ќе се фотографирам, но не повеќе како модел. И тоа е во ред. Завршив со работата, соработував со сите фантастични фотографи. Што уште треба да направам? Не треба повеќе да се докажувам. И не сакам.
На прагот на 50-тата година сè уште има ангажмани како заштитно лице на повеќе брендови, од кампањата за „Омега“ часовниците
Таа е дел од златната генерација на топ-модели од 90-тите
Крафорд има соработувано со најдобрите фотографи
Нема коментари