Париската недела на висока мода започна со ревијата на модната куќа Скјапарели за која креира Даниел Роусбери кој во последните години успешно го возобнови брендот преку еклектични креации и надреалистични мотиви кои беа препознатливи и за основоположничката Елса Скјапарели. И започна во голем стил со славните личности кои дојдоа да ја гледаат ревијата на Скјапарели облечени во драматични стајлинзи со потпис на модната куќа – Зендаја изгледаше футуристички во црн модел со драматичен шлеп кој изгледа како реп, Џенифер Лопез ја покажа својата откачена страна со нова боб фризура, бела волуменозна јакна и необични очила, а впечатлива беше и поранешната супермоделки и прва дама на Франција Карла Бруни Саркози која позираше заедно со Фарида Келфа.
Во новата haute couture колекција за пролет 2024 Роусбери се навраќа на уште една опсесија на Елса – со астрологијата и ѕвездите. „Оваа колекција е омаж на таа опсесија, како и проучување на противречностите – на наследството и авангардата, на убавото и провокативното, на земното и на небсното. Но, како што уметноста (и природата) нè учи одново и одново, работите и идеите што изгледаат дијаметрално спротивни едни на други, исто така, може да се комбинираат за да направат зачудувачки химери, предмети составени од познати делови кои, кога се обединуваат, создаваат нешто неочекувано и ново“ стои во соопштението за колекцијата.
1 коментар
[…] а настанот за оваа сезона почна со ревијата на Скјапарели и заврши со колекцијата на Maison Margiela. Погледнете ги […]