Во петок во рамките есенското издание на Моден викенд-Скопје (FWSK) модна ревија ќе има брендот „Алшар“ на дизајнерката Силвија Михајловска, која со новата колекција Full of Grace ќе одбележи десет години од основањето на своето модно ателје. Силвија воедно слави и 20 години од дипломската модна ревија на ФЛУ, сега, после толку години, се навраќа на некои дизајнерски елементи прикажани уште на својата прва ревија. Колекцијата Full of Grace е инспирирана од харизматичната Грејс Џонс, пејачката со екпресивен и провокативен моден израз, а дизајнерката најавува и рок шик гламур креации.
Прв поглед на новата колекција на „Алшар“
Каде и кога ќе се одржи модната ревија: На 2 ноември, петок, во 21 часот, во хотелот „Мериот“
Новата колекција е именувана: Full of Grace
Инспирација за колекцијата: Грејс Џонс и е микс на мои претходни дизајни и стилот од осумдесеттите
Клучни зборови: Грејс Џонс, сексапил, рок шик гламур од 80-тите, силуета карактеристична за 80-тите, набори, патенти, нитни и рачно сликање. Од бои доминира црната, а има и бакарна, металик, светки и африкански принт.
Концепт на ревијата: Ревијата е поддржана од AMSTEL. Чевлите се специјално изработени од Shevro, некои од креациите се рачно цртани од страна на Ива креатива, а на ревијата моделите ќе имаат body art на телото и лицето за што ќе се погрижи Бојан Ковски. За музиката ќе биде задолжен DJ Зоки Бејбе кој подготвува специјален микс.
Full of Grace
Нема коментари