филм 5

Со Stylist.mk на проекција на „Икс-Мен: Апокалипса“ во „Синеплекс“

Од stylist @StylistMKD · На мај 19, 2016

Stylist.mk во соработката со MCF MKD Skopje ќе награди двајца наши редовни читатели со по две влезници за утрешните (петок, 20 јуни) проекции на филмот „Икс-Мен: Апокалипса“ во скопското кино „Синеплекс“ во „Сити мол“. На еден читател, пак, ќе му доделиме оригинален постер од филмот. Најбрзите следбеници на Stylist.mk, што во инбокс на нашата страница на „Фејсбук“ или со коментар под текстот на нашиот сајт, ќе ни набројат барем тројца актери, што играат во филмот ќе освојат по две влезници. Добитниците ќе имаат можност со својата придружба да го гледаат филмот утре во термините 16 ч, 19 ч, 22 часот во Сала 4, 17 ч 20 ч и 22.45 часот во Сала 6, како и во 21 часот во Сала 8 (по избор). Вашите одговори ги очекуваме во текот на денот.

Апокалипса, првиот и најмоќен мутант во Марвелвиот Х-универзум станал бесмртен и непобедлив. Откако одмора илјада години, се буди разочаран од светот што го наоѓа. Тој регрутира тим од моќни мутанти, вклучувајќи го и обесхрабрениот Магнето, за да го исчистат човештвото и да создадат нов светски поредок со кој ќе владеат. Судбината на Земјата виси на конец, а Рејвен со помош на професорот Икс води група млади Икс-мени за да го запрат својот најголем непријател и да го спасат човештвото од целосно уништување. Филмот е во режија на Брајан Сингер.

5 Коментари

Ана Несторовска вели: мај 20, 2016 на 09:48

Почитувани читатели, најбрзи со своите точни одговори во наградната игра на Stylist.mk и MCF MKD се Кире Јанчевски и Кристина Митреска. Двајцата се добитници на по две влезници за проекциите денеска (петок) на филмот „Икс-Мен: Апокалипса“ во скопското кино „Синеплекс“ во „Сити мол“. Добитничка на оригинален постер од „Икс-Мен“ е Елена Давчева. Честитки на Кире, Кристина и на Елена. Ви благодариме на сите останатати што ни пишавте одговори:)

Одговори