Елена Ковачевска, сопругата на премиерот Димитар Ковачевски вчера присуствуваше на прием организиран од Првата дама на Турција, г-ѓа Емине Ердоган.
Ковачевска на приемот на кој меѓу другите, присуствуваа и првите дами на Франција, Латвија, Јужна Кореја, Естонија, Литванија, се вклучи во иницијативата „Нула отпад“ на првата дама на Турција г-ѓа Ердоган.
Оваа иницијатива на г-ѓа Емине Ердоган, цели кон целосно елиминирање на отпадот, заштита на животната средина со цел да се остави свет со чиста животна средина за идните генерации.
Ковачевска на приемот блесна во фустан со интересна бургунди боја, креација на Тања Кокев од последната колекција 2021/ 2022.
Креацијата плени со материјалот каде освен специфичната боја има и интересна текстурата создадена од геометриска комбинација на ситно и покрупно плисирани делови кои внесуваат разиграност во инаку класичниот крој. Се чини дека на Елена Ковачевска и прилега и бојата и кројот на оваа креација каде софистицираноста доаѓа од спојот на едноставноста со смелата боја.
Нема коментари