Модната уредничка на австралиски Vogue Кристин Сентенера лансира луксузен моден бренд кој му пркоси на стандардите на брзата мода, заедно со својот партнер во животот и бизнисот, дизајнерот Џош Гут. Идејата на брендот наречен Wardrobe.NYC е да се креира концептуална композиција на луксузни базични парчиња, дестилирани во нивната најчиста и најпосакувана форма, кои треба да го поедностават начинот на кој се облекуваме. Дизајнирана за модерен урбан живот, линијата се состои од осум парчиња, кохезивно стилизирани и со врвен квалитет.
Кристин Сентенера во комбинација на Wardrobe.NYC
Сентенера и Гут претставуваат сосема нов модел на купување на луксузна облека преку креирање на осум машки и женски стајлинзи секоја сезона, кои ќе бидат темел на вашата гардероба. Дизајнирани во Њујорк и произведени во Италија, тие осум парчиња се координираат меѓу себе, а за се купуваат во комплет од четири или сите осум делови од колекцијата. Колекцијата ќе се продава директно на консументите, без да се наплаќа малопродажна маржа.
Уредничката и стилистка Кристин вели дека оваа линија сосема одговара на деловниот стил, и овие парчиња и стајлинзи многу ќе ви помогнат наутро да одлучите што да облечете за на работа. Пакетот од осум парчиња – сако, маица, здолниште, панталони, блуза, капут, плетенина и кошула чини 3.000 долари, но Сентенера вели дека вреди да се инвестира во квалитетна, луксузна и безвременска колекција. Креациите се во црно-бела боја, во минималистички стил со примеси на streetwear естетика.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари